Kanakadhara Stotram Lyrics in Telugu

Kanakadhara Stotram Lyrics in Telugu

Read this Stotram in English

వన్దేవన్టారు మన్దార మిన్దిరానంద కందలం అమన్దానన్ద సందోహ బన్ధురం సింధురాననమ్

అఙ్గం హరేః పులక భూషణమాశ్రయ స్త్రీ భృంగాంగ నేవ ముకుళాభరణం తమాలం ।
అంగీకృతాఖిలవిభూతి రపాంగలీలా మాంగల్య దాస్తు మమ మంగల దేవతాయాః   ॥ 1 ॥

ముగ్ధా ముహుర్విదధతీ వదనే మురారేః ప్రేమత్రపా ప్రణిహితాని గతాగతాని ।
మాలా దృశో ర్మధుకరీవమహోత్పలేయాసా మేశ్రియం దిశతు సాగరసమ్భవాయాః  ॥ 2 ॥

విశ్వామరేంద్ర పద విభ్రమ దాన దక్ష మానంద హేతు రధికం మురవిద్విషోపి ।
ఈషన్నిషీదతు మయి క్షణ మీక్షణార్ధం ఇందీవరోదర సహోదర మిందిరాయాః   ॥ 3 ॥

ఆ మిలితాక్ష మధిగమ్య ముదా ముకుంద మానందకంద మనిమేష మనంగ తంత్రం ।
ఆ కేకరస్థిత కనీనిక పక్ష్మనేత్రం భూత్యై భవే న్మమ భుజంగశయాంగనాయాః    ॥ 4 ॥

కాలామ్బుదాళి లలితోరసి కైటభారే ర్ధారాధరే స్ఫురతి యా తటి దంగనేవ ।
మాతుస్సమస్త జగతాం మహనీయమూర్తి ర్భద్రాణి మే దిశతు భార్గవనందనాయాః   ॥ 5 ॥

బాహ్వంతరే మురజితః శ్రితకౌస్తుభే యా హారావళీవ హరినీల మయీ విభాతి ।
కామప్రదా భగవతోపి కటాక్షమాలా కల్యాణమావహతు మే కమలాలయాయాః    ॥ 6 ॥

ప్రాప్తం పదం ప్రథమతః ఖలు యత్ప్రభావాత్ మాంగల్యభాజి మధు మాథిని మన్మథేన ।
మయ్యాపతే త్తదిహ మంథర మీక్షణార్ధం మన్దాలసం చ మకరాలయ కన్యకాయాః    ॥ 7 ॥

దద్యా ద్దయానుపవనో ద్రవిణాంబుధారా మస్మి న్నకించన విహంగశిశౌ విషణ్ణ ।
దుష్కర్మఘర్మమపనీయ చిరాయదూరం నారాయణప్రణయినీ నయనామ్బువాహః    ॥ 8 ॥

ఇష్టావిశిష్టమతయోపి యయాదయార్ద్ర దృష్టా స్త్రివిష్టప పదం సులభం భజన్తె ।
దృష్టిః ప్రహృష్ట కమలోదర దీప్తి రిష్టాం పుష్టిం కృషీష్ట మమ పుష్కరవిష్టరాయాః     ॥ 9 ॥

గీర్దేవ తేతి గరుడధ్వజ సుందరీతి శాకంభ రీతి శశిశేఖర వల్లభేతి ।
సృష్టిస్థితి ప్రళయ కేళిషు సంస్థితాయై తస్యైనమ స్త్రిభువనైక గురో స్తరుణ్యై    ॥ 10 ॥

శ్రుత్యై నమోస్తు శుభకర్మఫల ప్రసూత్యై రత్యైనమోస్తు రమణీయ గుణార్ణవాయై ।
శక్త్యేనమోస్తు శతపత్ర నికేతనయాయై పుస్ట్యై నమోస్తు పురుషోత్తమ వల్లభాయై    ॥ 11 ॥

నమోస్తు నాళీక నిభాననాయై నమోస్తు దుగ్గోదధి జన్మభూమ్యై ।
నమోస్తు సోమామృత సోదరాయై నమోస్తు నారాయణ వల్లభాయై     ॥ 12 ॥

నమోస్తు హేమాంబుజపీఠికాయై నమోస్తు భూమండలనాయికాయై ।
నమోస్తు దేవాది దయాపరాయై నమోస్తు శార్ జ్గాయుధ వల్లభాయై    ॥ 13 ॥

నమోస్తు దేవ్యై భృగునందనాయై నమోస్తు విష్ణో రురసిస్థితాయై ।
నమోస్తు లక్ష్మ్యై కమలాలయాయై నమోస్తు దామోదర వల్లభాయై   ॥ 14 ॥

నమోస్తు కాన్యై కమలేక్షణాయై నమోస్తుభూత్యై భువన ప్రసూత్యై ।
నమోస్తు దేవాదిభి రర్చితాయై నమోస్తు నందాత్మజ వల్లభాయై    ॥ 15 ॥

సంపత్కరాణి సకలేంద్రియ నందనాని సామ్రాజ్య దాననిరతాని సరోరుహాక్షి ।
త్వద్వందనాని దురితాహరణోద్యతాని మా మేవ మాత రనిశం కలయంతుమాన్యే    ॥ 16 ॥

యత్కటాక్ష సముపాసనా విధిః సేవకస్య సకలార్థ సంపదః ।
సంతనోతి వచనాంగమానసై త్వాం మురారి హృదయేశ్వరీం భజే    ॥ 17 ॥

సరసిజనయనే! సరోజహస్తే! ధవళతరాంశుక గంధమాల్యశోభే!
భగవతి! హరివల్లభే మనోజ్ఞే! త్రిభువనభూతికరి! ప్రసీద మహ్యమ్    ॥ 18 ॥

దిగ్ధస్తిభిః కనకకుంభముఖావసృష్ట స్రగ్వాహినీ విమలచారు జలప్లుతాంగీం ।
ప్రాతర్నమామి జగతాం జననీ మశేష లోకాధినాథ గృహిణీ మమృతాబ్ధిపుత్రీమ్    ॥ 19 ॥

కమలే కమలాక్షవల్లభే త్వం కరుణాపూర తరంగితై రపాంగైః ।
అవలోకయ మామకించనానాం ప్రథమం పాత్ర మకృత్రిమం దయాయాః    ॥ 20 ॥

బిల్వాటవీ మధ్య లసత్సరోజే సహస్ర పత్రే సుఖ సన్నివిష్టాం ।
అష్టాపదామ్భోరుహ పాణి పద్మాం సువర్ణ వర్ణాం ప్రణమామి లక్ష్మీమ్   ॥ 21 ॥

కమలాసన పాణినాలలాటే లిఖితా మక్షరపంక్తి మస్య జంతోః ।
పరిమార్జయ మాత రంఫ్రిణా తే ధనికద్వార నివాస దుఃఖ దోగ్రీమ్    ॥ 22 ॥

అంభోరుహం జన్మగృహం భవత్యాః వక్షస్థలం భర్తృగృహం మురారేః ।
కారుణ్యతః కల్పయ పద్మవాసే లీలాగృహం మే హృదయారవిందమ్    ॥ 23 ॥

స్తువంతి యే స్తుతిభి రమూభిరన్వహం త్రయీమయీం త్రిభువనమాతరం రమాం ।
గుణాధికాం గురుతర భాగ్యభాజినో భవంతి తే భువి బుధభావితాశయాః   ॥ 24 ॥

Leave a Reply